Xarakada Al shabaab ayaa waxa ay sheegeen in ay fashilmeen dadkii ka danbeeyay dabkii xalay ka kacay Suuqa ug weyn magaalada Muqdisho ee Suuqa Bakaaraha.

Xili xalay dab xoogan uu ka kacay Suuqa Bakaaraha ayaa maanta waxaa ka hadlay arintaasi Xarakada Al Shabaab kuwassi oo sheegay in ay ku hungoobeen dadkii ka danbeeyay in uu dabkaasi ka kaco goob lagu iibiyo Shidaalka oo ku taala Suuqa Bakaaraha.

Sheekh Cali Maxamed Xuseen oo ah Waaliga Wilaayada gobolka Banaadir ee Al Shabaab ayaa shir uu ku qabtay magaalada Muqdisho waxa uu ku sheegay in ay fashilmeen dad uu ku sheegay in ay damacsanaayeen in ay burburiyaan hantida taalo suuqa Bakaaraha ee dadka ganacsatada Soomaalida ay leeyihiin.

Waxaa sidoo kale uu sheegay in loo baahanyahay in ganacsatada Suuqa ay u sameeyaan Wadooyin waaween oo loo soomaro suuqa si ay u yaraato gubashada hantida taalo Bakaaraha, waxaana uu sheegay in dadka wadooyinka dhistay ay dib uga baxaan wadada islamarkaana ay ku ekaadaan goobahooda oo kaliya.

Wakiilka gobolka Banaadir ee Dhaq dhaqaaqa Al Shabaab waxa uu sidoo kale sheegay in ay soo bandhigi doonaan mar dhaw qasaaaraha dhabta ah inta uu la egyahay isagoona sheegay in tiro koob ay wadaan, waxaana uu intaasi ku daray in ay kulan yeelan doonaan walaayada gobolka Banaadir ee Al Shabaab iyo ganacsatada Suuqa Bakaarah

Ugu dambeyntii Ganacsatadii uu qasaaraha soo gaaray ayaa hada waxa ay ku mashquulsan yihiin tira koobka hantidii ka qasaartay iyagoona sheegay in ay la kaashan doonaan Al shabaab, lamana oga waxa ay Shabaabka u qaban doonaan dadka qasaaraha uu soo gaaray.

WWW.Somalireal.com