Mudane katirsan Baarlamaanka Soomaaliya oo eedaymo u jeediyay Madaxda dowladda.
Mudane katirsan Baarlamaanka Soomaaliya ayaa waxa uu eedaymo u jeediyay Madaxda ugu saraysa dowladda KMG ee Soomaaliya.
Xildhibaan C/llaahi Cabdulle Magan oo ka mid ah xildhibaanada golaha baarlamaanka dowladda KMG Soomaaliya ayaa si kulul u dhaliilay wax qabadka Madaxda dowladda isagoo tilmaamay in ay wadaan qorsho qaran dumis ah kadib markii seminaar dalka dibaddiisa ah loo furay qaar ka mid ah xildhibaanada baarlamaanka dowladda KMG.
Waxa uu tibaaxay Xildhibaanku in lagu doonayo in meesha looga saaro la xisaabtanka xukuumadda, isagoo ku eedeeyay in ay mas'uul ka yihiin madaxda dowladda KMG.
Fadhi baarlamaanka dowladda KMG shalay oo Sabti aheyd ku yeeshay magaalada Muqdisho ayaa waxaa laga sheegay in 50-xildhibaan dibadda loo diri doono si ay u soo qaataan seminaar aqoon kororsi ah.
Ugu dambeyntii Xildhibaan Cabdulle Magan ayaa wuxuu sheegay in ay tahay ujeedada keliya ee laga leeyahay seminaarkaasi in lagu yareeyo kooramka baarlamaanka, wuxuuna ku eedeeyay madaxda dowladda KMG in ay wadaan qorshe qaran dumis ah.
Somalireal-Muqdisho
Fikradaada ku darso.