Shabaabul Mujaahidiin oo guulo ka sheegtay dagaaladii galabta ka dhacay degmada Boondheere ee Magaalada Muqdisho
Afhayeenka ciidamada xarakada Shabaabul Mujaahidiin Sheikh C/casiis Abuu Xamza ayaa sheegay in ciidamadooda ay galabta la wareegeen fariisimo muhiim ah oo ku yaala degmada Boondheere.
Afhayeenka oo caawa shir jaraa'id ku qabtay magaalada Muqdisho ayaa sheegay in dagaalkii galabta ka dhacay degmada Boondheere' aykula wareegeen goobo muhiim ah oo ay hore ugu sugnaayeen ciidamada dawlada KMG ah.
Afhayeenka ayaa sheegay in ciidamadooda ay u suuro galshay inay lawareegeen wasaaradii hore ee arimaha gudaha,safaaradii Talyaaniga, iyo xarunta degmada Boondheere oo dhamaantood kamid ahaa goobihii dawladu gacanta hore ugu haysay.
Dhinacakale dagaaladii galabta aya waxaa barbar socday duqaymo xoogle oo loogaystay xaafado ka durugsan goobihii lagu dagaalamayey waxaana duqaymahaaasi ay sababeen khasaare isugu jira dhamasho iyo dhawac soo gaaray dadka rayidka ah, iyadoo aan la garanayn sida ay wax u kala gaareen dhinacyadii ay diriirtu ka dhexexaysay.
Tani ayaa macneheedu waxa uu yahay in Dawlada KMG ah ay gacandeeda ka bexeen markale gooba muhiim ah, halka dhinaca kale Xarakada Shabaabul Mujaahidiin. ay ku sii durgayso Xarunta madaxtooyada ee magalada Muqdisho, waxaana muuqanaysa in Dawlada KMG ah uu xaalku ku sii cuslaanayo marba marka kadanbaysa.
Xafiiska wararka Somalireal
Fikradaada ku darso.