Ciidamo ka tirsan dowladda KMG oo xalay qaraxyo lagula eegtay magaalada Muqdisho.
Ciidamo katirsan dowladda KMG Soomaaliya ayaa siyaabo kala gadisan waxaa xalay loogu qarxiyay degmooyinka Xamar Jajab iyo Wadajir ee magaalada Muqdisho.
Sida ay Somalireal u xaqiijiyeen dad goob joogayaal ah qaraxa hore ayaa ka dhacay xaafada Ceel Qalow ee degmada Wadajir iyadoona lala eegtay Ciidamo katirsan dowladda KMG Soomaaliya oo halkaasi fariisin ku lahaa, waxaana ay goob joogayaashu sheegayaan in halkaasi ay ku quurbaxeen 2-Askari oo katirsan Ciidamadii qaraxa lala eegtay halka ay dhaawacyo soo gaareen ku dhawaad 5-kal oo isla Ciidamada katirsanaa.
Dhinaca kale qarax mid kaa lamid ah ayaa isla xalay fiidkii ka dhacay qeybo kamid ah degmada Xamar Jajab ee magaalada Muqdisho halkaasi oo ay fariisin ku lahaayeen Askar katirsan Ciidamada dowladda KMG Soomaaliya, waxaana lagu waramayaa in halkaasi ay ku dhaawacmeen ilaa iyo 3 qof oo labo kamid ah ay ahaayeen Ciidamadii la qarxiyay.
Degmooyinka Wadajir iyo X/jajab ee magaalada Muqdisho ayaa maalmihii ugu dambeeyay waxa ay hoy iyo marti u noqdeen qaraxyo xoogan oo lala eeganayay Ciidamada dowladda KMG Soomaaliya iyadoo xalay oo ugu dambaysayna ay degmooyinkaasi ka dhaceen qaraxyo geystay qasaarooyin isugu jira dhimasho iyo dhaawac.
Somalireal-Muqdisho
Fikradaada ku darso.