Ciidamada AMISOM oo shalay gelinkii dambe toogasho ku dilay Wiil kirishboy ahaa gudaha Muqdisho.



Ciidamada Uganda ee ku sugan Magaalada Muqdisho ayaa shalay galab si bareer ah qof rayid ah waxay ugu toogteen Magaalada Muqdisho, iyadoo meydka Wiilkaasi dhalinyarad ahaana uu in mudo ah yaalay goobtii ay ku dileen.


Ciidamada Uganda ee fariisinka ku leh sarta dheer ee Maslax ee ka soo horjeeda Garaashka Xaaji Dool oo ku yaala inta u dhaxeysa Isgoyska KM4 iyo garoonka diyaaradaha ee Magaalada Muqdisho ayaa shalay galab halkaasi ku dilay nin rayid ah oo ka mid ahaa gaadiidlayda ka shaqaysata Magaalada Muqdisho.


Ninkaani oo saarnaa gaari Hoomey ah oo la sheegay in ay soo kireysteen ciidamo ka tirsan dowladda KMG Soomaaliya oo degan Xero ciidan oo aan sidaasi uga fogeyn halka uu dilku ka dhacay ayaa waxa uu ahaa Caawiyaha darawalkii gaarigaasi waday ama kirishbooy.


Ciidamada Uganda ayaa inta aysan dilin ninkaasi rayidka ahaa waxaa la sheegay in ay ku amreen in uu gaariga ka soo dago iyadoo markii uu ka soo dagey gaarigana halkaasi uu ku toogtay askari ka tirsan ciidamada Uganda, mana ahan markii ugu horaysay oo Ciidamada AMISOM ee ku sugan Muqdisho ay qof rayid ah si bareer ah u toogtaan.


Somalireal-Muqdisho

 


 


Somalireal@hotmail.com

Fikradaada ku darso.

Magacaaga:

Halka aad joogtid:

Fariinta:

 


LA XIRIIRA
  Xarakada Shabaabul Mujaahidiin oo ciidamo badan tababar u soo dhameystirtay iyo afhayeenkooda oo la dardaarmay ciidanka.
  Magaalada Garoowe oo maanta lagu gubay lacago been abuur ah.
  Diyaargarowga Munaasabada Ciidul Fidriga oo laga dareemayo Suuqyada magaalada Muqdisho.
  Dowladda KMG ah iyo Shabaabul Mujaahidiin oo guulo ka sheegtay dagaal shalay galab ilaa xalay ka dhacay degmada Boondheere.
  Maamulada Shabaabul Mujaahidiin ee gobolada Hiiraan iyo Sh/dhexe oo dadka goboladaas amaro ku soo rogay