Xaadala Muqdisho oo Saakay degan kadib dagaalo lagu hoobtay oo shalay ka dhacay.
Waxaa Saakay xaalad deganaansho aan cago badan ku taagneyn laga dareemayaa degmooyinka dhaca dhinaca Waqooyi ee magaalada Muqdisho halkaasi oo shalay ay isku faro saareen Ciidamada Dowladda KMG oo garab ka helayay kuwa AMISOM iyo Ciidamada Al Shabaab
Kadib dagaalo qaraar oo shalay ka dhacacay degmooyinka Yaaqshiid, Kaaraan, Boondheere iyo C/casiis oo dhamaantood kawada tirsan degmooyinka Waqooyi ee magaalada Muqdisho ayaa waxa ay sababeen qasaarooyin isugu jira dhimasho iyo dhaawac soo gaaray dhinacyadii dagaalamay iyo waliba dadka rayidka ah inkastoo qasaaraha ugu badan uu soo gaaray dadka shacabka ah ee aan waxba galabsan.
Meelaha ugu daran ee ay shalay dagaaladu ka dhaceen ayaa waxaa kamid ah agaagaraha Saldhiga degmada Yaaqshiid halkaasi oo la sheegay in dagaalka uu ka bilowday markii Ciidamada Shabaab ay weeraro ku qaadeen fariisimo ay Ciidamada dowladda KMG ku lahaayeen nawaaxiga Saldhiga degmada Boondheere.
Saakay ayaa Xaalad deganaansho ah waxaa laga dareemayaa dhamaan degmooyinka ay ku hardameen Ciidamada dowladda KMG oo gacan ka helayay kuwa AMISOM iyo Ciidamada Xarakada Al Shabaab inkastoo mar walba la filan karo in halkaasi ay dagaalo ka qarxeen maadama ay wali is hor fadhiyaan Ciidamadii diriray.
Somalireal-Muqdisho
Fikradaada ku darso.