Abwaan Jaamac dayuurad baa markii Abaartii dhacday dabo-Dheer 1975 baa xaaskiisi ku eedaysay dhibaatada reerka soo gaadhay oo haarantay , markaas isna waa garaysan waayey waxa marwadiisu ugu cadhaysan tahay kolkaas buu gabaygan tirshay oo kaga waramayo waxyaalaha aduunka ka dhacay inay ku eedaynayso siday ugu eedaysay Abaarta markaas taagan waxuu yidhi Abwaanku
...........................................................................................
Naahooy codkaad xalay lahayd waa cilmila aanne
Cara edeg wax wada taabtay baa ka calmilaysaaye
Caleen doogle lama haysto iyo caano dhamidoode
Nin walibaCiyaalkuu dhaluu la carwa saadaaye.
Cashadaad qadaabaad i odhan cawro waa isagaŽe
Cinda laahi wax nooga yimid ha igu caafiyini.
Ma anaa cirkaan diŽilaahaa curashada udiidey
Ma anaa dhulka cawska jaray coodka lagu foofsho
Ma anaa ariga caatada ka dhigay caano laga waayey
Cadan iyo Berbera ma anaa celiyey beecooda
Ma anaa Cadaan iyo madoow wada colaysiiyey.
Calaqaadka ma anaa ujaray dunidan ciirciirtay
Ma anaa ciriiriga ka dhigay ceeshka iyo soorta.
Ma anaa ceelashii wada qafilay ciriqa baasiinka
Ma anaa kufriga caasiga ah kaga cabaadsiiyey
Carab iyo yuhuud ma anigaa ciidamada laayey
Cali Yusuf ma anigaa qabtiyo caadilkii boqorka
Caad iyo namruud ma anigaa cayrshay labadiiba
Ma anaa dharkeenii cadaa calal guduud dhaafshay
Cadrad gabadh ah ma anaa ganbada caado uga yeelay
Ma anaa dowladeenii casilay caadi noqon wayday
Cududa iyo ma anaa Siyaad ciidanka u dhiibay
Caynaanka hay ma anigaa caalamka maqashiiyey
Ma anaa cidiinii iyo tolkaa kaa casaba gooyey
Cuno ma anigaa kaa qadshay oo ceego kugu dhuujey
Caqli naaqus ma anigaa ka dhigay adiga iyo canykaaga
Cusribaa dhacaye sow yusriga kama cad dhawrayno.
Dailypuntland Station
Comments to date: 10. Page 1 of 1.
abdihakin umal bosaso puntland somalia | 2:43am on Monday, August 30th, 2010 |
allaha u naxariis tee abwaan ku waxa uu sheegay waxii jiray xiligaas kaas oo uu ku cadeeyey murti aad u qayma badan | |
Bashir Xirsi Dahir Hashi Riyadh Saudi Arabia | 7:10am on Wednesday, June 9th, 2010 |
Naxariitii allaha kawaraabsho Adeer Jaamac Dayuurad,ragna waa kahoreeyey dumarna wax uma ogeyn. Hadaladiisaana maanta dadku ku baraarugeen oo xgtii dumarka ayuu shaaca raga waxma garatadaa uga qaaday in dumarku ay yihiin col loo baahanyahay. | |
kumandoos uk | 5:49pm on Thursday, April 15th, 2010 |
jamac dayurad. caadi ma aha hadal waa hadalki hore dadna waa dadki hore// ma anigaa caqli naaqus ka dhigay adi ya ceeynkaa e | |
nuuro uk | 11:40pm on Thursday, March 18th, 2010 |
runtii abwaankaan waxa uu na faahnsii yey waxbadan oo manta jira ama dumarku jecelyiihiin kk sida dhal dhalka ama mac macaanka waana run waxa aan dhihi karaa xaaska jaamac dayurad waa sax nayd, asaguna sidoo kale labaduba runta ay ka hadleen, maxaa yeelay hadii aadan haysan hanti naag ma kula joogi karto jaamac xiligas awood ma ahayn alle ha unaxaristo | |
alshaba kismaanyo | 3:10am on Friday, January 1st, 2010 |
ninka gobayn tirshay waa nin macquul ah waxa uuna shegay wax yaalo abdan oo manata la arko markii aad dhagaysato gabayada kale waa, qabyaalad iyo wax yaalo kale balse kani waa ka duwan yahay waana mid dumarka maanta jooga tusaale loogu soo qadan lahaa | |
Nuur c/halac Kenya g yanza | 11:29am on Thursday, November 19th, 2009 |
Jaamac dayuurad nin aminsan qadarta sida kamuuqata wuxuuna ahaa waxgarad w/mahadsantihiin | |
KUMANDOOS UK | 2:26pm on Friday, October 30th, 2009 |
RUNTII JAMAC DAYUURAD WAA INDHEER GARAD GABAYGANA SHEEKO AHAAN AYAAN KU HEEYSTAY LAAKIN AMANTA NASIIB AYAAN U HELAY ASAGOO DHAMEYSTIRIN / MA ANIGAA CAASIMADII MUQDISHO CIIDANKA WADA DAASHAY/ | |
KUMANDOOS UK | 2:24pm on Friday, October 30th, 2009 |
RUNTII JAMAC DAYUURAD WAA INDHEER GARAD GABAYGANA SHEEKO AHAAN AYAAN KU HEEYSTAY LAAKIN AMANTA NASIIB AYAAN U HELAY ASAGOO DHAMEYSTIRIN / MA ANIGAA CAASIMADII MUQDISHO CIIDANKA WADA DAASHAY/ | |
cabdi dk | 3:55pm on Tuesday, September 29th, 2009 |
ninkii gabaygan tiriiyay waa uu dhintay raxmadiina allaha siiya | |
Farax yare Nairobi Kenya | 11:28am on Saturday, June 20th, 2009 |
Ninka gabaygaan tiriyay ma nool yahaya haddii uuse nool yahay xagee ku nool yahay | |